„Vučica“ se ovim trijumfom izjednačila sa Milanom na drugoj poziciji, iako Rossoneri imaju dvije utakmice manje. Trenutno su na minus tri u odnosu na Inter, koji takođe ima dva meča manje. S druge strane, Sasuolo je pao na 12. mjesto sa 23 boda, koliko ima i Torino, koji ima jednu utakmicu manje.
Roma je u finišu pronašla put do pobjede. Igrao se 73. minutu, kada je Manu Kone doveo domaće u vođstvo nakon ubacivanja Matijasa Sulea.
Samo tri minuta kasnije konačan rezultat postavio je Sule nakon efektnog dodavanja Stefana El Šaravija.
Ranije danas Komo i Bolonja su podijelili bodove – 1:1, baš kao Udineze i Piza – 2:2. Večeras od 20 i 45h Atalanta će u Bergamu ugostiti Torino.
Rimljani će naredna dva meča odigrati protiv Torina, prvo na svom terenu u Kupu Italije, a potom će gostovati u prvenstvu.
