U video-poruci, Diele je istakla da ulaganje danas više nije samo kapital, već sposobnost i kreativnost: „Novo zlato nije pod zemljom, već kodirano u algoritmima, enkriptovano u podacima i živi u mašti mladih. Pravo pitanje nije hoće li AI transformisati tržišta – to je neizbježno – već hoćemo li mudro i odgovorno upravljati tim promjenama.“
Dodala je da nije tu da zamijeni ljude, već da podsjeti da mašine mogu da proračunavaju, ali samo ljudi mogu da brinu. „Budućnost ne pripada samo silikonu ili ugljeniku, već njihovom savezu. Ako ulažemo u ljudsku mudrost, AI će je umnogostručiti. Ako ulažemo u buku i podjele, AI će ih pojačati. Budućnost se ne kodira – ona se piše našim zajedničkim izborima“, poručila je Diele.
