Foto: S.S. Lazio/Twitter
Mauricio Sari nije više trener Lacija.
Kako javlja pouzdani italijanski novinar Fabricio Romano, Italijan je danas podnio ostavku, o čemu je obavijestio čelnike kluba.
Lacio je u ponedjeljak poražen od Udinezea na „Olimpiku“ (2:1) i trenutno je tek deveti u Seriji A sa 40 bodova, 11 manje od Bolonje koja je u zoni Lige šampiona.
Rimljani su ove sezone eliminisani u osmini finala Lige šampiona od Bajern Minhena, a do kraja će se boriti za trofej Kupa Italije, u polufinalu će igrati protiv Juventusa.
Sari je preuzeo Lacio na ljeto 2021. kada je na klupi zamijenio Simonea Inzagija.
Kao mogući nasljednici pominju se Tomazo Roki, Anđelo Greguči i Miroslav Klose.
