Jedini gol na utakmici postigao je Marcel Krajevski kada je jedan odbitak sproveo u mrežu u 37. minutu.
Naš nacionalni tim ostao je sa igračem manje u 61. minutu nakon što je kapiten Vladimir Perišić dobio drugi žuti karton.
Do kraja meča i jedni i drugi imali su po jednu dobru priliku preko igrača sa klupe – prijetili su Denis Novak na jednoj, odnosno Stefan Golubović na drugoj strani, ali promjene rezultata nije bilo.
Poljska je tako drugi put u ovom ciklusu bila bolja od „sokola“ koji su pretrpjeli ukupno četvrti neuspjeh i ostali na 10 bodova, dok je naš današnji rival zadržao maksimalan skor i upisao 24 bod uz impresvnu gol razliku (23-2).
Izabranici Gorana Perišića posljednja dva meča u ovim kvalifikacijama odigraće u oktobru. Prvog će gostovati Sjevernoj Makedoniji, a četiri dana kasnije dočekaće Jermeniju.
