Utješno treće mjesto za Budućnost: „Vučice“ savladale Partizan

„Vučice“ koje su dan ranije predale krunu, porazom od Celja, danas su u „Bemaks areni“ očekivano bile bolje od Partizana (54:46).

Poslije ujednačene prve četvrtine, izabranice Petra Stojanovića dobile su drugi period 17:9, a pitanje pobjednika riješile su u trećem kvartalu, kada su se odlijepile na plus 15. Imale su Beograđanke reakciju sredinom posljednjeg perioda, serijom 8:0 prišle na minus šest, ali Podgoričanke su odbile nalet i mirno privele meč u svoju korsit.

Najefikasnija i jedina dvocifrena u pobjedničkom sastavu bila je supertalentovana Atina Radević sa 17 poena. Zorana Radonjić dodala je 9 uz 10 skokova i četiri asistencije. Maja Bigović i Ksenija Šćepanović ubacile su po 8 poena.

Na drugoj strani ponovo je odskočila Brazilka Izabel Varežao sa 16 poena i devet skokova. Pratila je Blaža Čeh sa 11 poena i sedam uhvaćenih lopti.

Od 18 sati za titulu regionalnog šampiona igraće Celje i Montana.