Jakšić je isključen krajem druge četvrtine nakon VAR provjere, poslije duela u kojem je reagovao pošto ga je protivnički igrač potopio. Iako crveni karton po pravilima znači automatsku zabranu nastupa u narednom meču, krovna organizacija evropskog vaterpola preinačila je odluku.
Selektor Uroš Stevanović ranije je najavio da će Savez učiniti sve kako bi Srbija u finalu nastupila u najjačem sastavu. Jakšićev povratak predstavlja veliki dobitak, posebno imajući u vidu njegov učinak protiv Mađarske u ranijem duelu na turniru.
Srbija će se za titulu prvaka Evrope boriti u nedjelju od 20.30 u Beogradskoj areni, dok će se Italija i Grčka sastati u meču za bronzu.
