Tradicionalnu poruku koju šalje UNIMA – međunarodna lutkarska asocijacija, ove godine napisao je Yaya Coulibaly, priznati lutkar, dizajner lutaka i pripovjedač iz Malij, koji ima veliki uticaj na lutkarsku umjetnost u Africi i svijetu. Poruku će prije izvođenja predstave pročitati glumica Gradskog pozorišta Podgorica Smiljana Martinović.
Predstavu ,,Maca Papučarica”(3+) tekst i režiju, po motivima priče Ele Peroci, potpisuje Davor Dragojević. Igraju: Tihana Ćulafić, Sejfo Seferović, Dijana Dragojević, Milo Perović, Marija Đurić/Smiljana Martinović i Pavle Popović.
„Maca Papučarica stalno odnosi dječije papučice i negdje ih skriva. Mame kažu da se papuče moraju nositi, ali kako kad ih nema? Naši junaci idu u šumu u potragu za kućom Mace Papučarice i otkrivaju njenu tajnu“ napisali su u pozivu za predstavu iz Gradskog pozorišta..
