“Poštovane medicinske sestre i tehničari, danas, kada cijeli svijet obilježava Međunarodni dan sestrinstva, želim da vam uputitim iskrene čestitke, uz duboko poštovanje i zahvalnost – u ime Ministarstva zdravlja Crne Gore i u svoje lično ime. Vi ste tihi heroji našeg društva. Vaše ruke pružaju njegu, vaša riječ uliva nadu, a vaša prisutnost donosi sigurnost i olakšanje u najtežim trenucima”, naveo je Šimun.
Navodi da njihova stručnost, nesebičnost i snaga čine temelj našeg zdravstvenog sistema.
“A vaš doprinos u svakom domu zdravlja, bolnici i ustanovi je nemjerljiv. U ime svih onih kojima ste pomogli – hvala vam. Danas slavimo vas, vaše znanje, saosjećanje i predanost. Srećan vam vaš dan – neka vam svaki naredni bude ispunjen poštovanjem koje zaslužujete”, zaključio je Šimun.
