Oba gola viđena su u nastavku. Domaćin je poveo u 50. minutu preko Bernardeskija, da bi konačan rezultat postavio Pelegrini u 71.
Do kraja meča je bilo uzbuđenja na obje strane, Malen i Vitik su pogađali okvir gola, pa se rezultat nije mijenjao.
Aston Vila je slavila na gostovanju Lilu minimalnim rezultatom. Čovjek odluke bio je Votkins koji je pogodio pola sata prije kraja. Bila je to 100. pobjeda Unaija Emerija na klupi ekipe iz Birmingema.
Panatinaikos je srušio Betis na svom terenu 1:0, uprkos tome što je od 59. minuta igrao sa igračem manje zbog isključenja Zarurija.
„Zeleni“ su, međutim, u 88. minutu izborili penal, koji je u gol pretvorio Zaborda.
I Betis je završio meč sa desetoricom, pošto je crveni karton u tom minutu zaradio Ljorente.
Porto je pobijedio Štutgart u gostima 2:1. Mofi i Mora su u razmaku od 21. do 27. minuta donijeli vođstvo Portuglacima od 2:0, da bi u finišu prvog dijela smanjio Undav.
Ipak, u nastavku je Porto sačuvao prednost i stigao do pobjede.
Revanši su za sedam dana.
