“Akt je sačinjen u skladu sa odredbama Zakona o Sudskom savjetu i sudijama, nakon sprovedenog postupka u okviru kojeg su navodi iz pritužbe razmotreni”, kazali su iz Vrhovnog suda.
Podsjećaju, postupanje predsjednice Vrhovnog suda uslijedilo je na zahtjev Sudskog savjeta.
“Nakon prijema pritužbe, Sudski savjet je zatražio od predsjednice Vrhovnog suda da prikupi relevantne informacije, izvrši sveobuhvatnu analizu navoda radi utvrđivanja činjeničnog stanja i o tome izvijesti Sudski savjet”, navodi se.
Postupajući po navedenom zahtjevu, predsjednica Vrhovnog suda zatražila je od sudija i državnih službenika Apelacionog suda dodatno preciziranje navoda i okolnosti iz pritužbe, u mjeri u kojoj je to bilo moguće, kako bi se činjenice u potpunosti razjasnile.
“Istovremeno, predsjednica Vrhovnog suda preduzela je sve neophodne mjere kako bi se obezbijedio zakonit, stabilan i nesmetan rad Apelacionog suda, u cilju očuvanja kontinuiteta i efikasnog funkcionisanja sudskog sistema”, ističe Vrhovni sud.
