Plivača su u Cijevni u nedjelju 15. juna povukli virovi, pri čemu mu je život bio u opasnosti.
„Voda ga je nosila i nije mogao sam da se izbavi. Bez razmišljanja sam reagovao i uspio da ga izvučem iz vode. Bilo ga je teško izvući, ali sam uspio. Riječ je o turskom državljaninu“, navodi Škrijelj, a prenosi Dan.
Zanimljivo je kako se sve dogodilo kod plaže na koju je Škrijelj otišao nakon pune tri godine.
„Na tom mjestu Cijevna je duboka, brzaci su i voda ga je nosila. Ne znam kako sam izvukao i njega i sebe. Kad sam ga izvukao pružio sam mu prvu pomoć. Tu smo se razišli i više se nijesmo ni čuli ni vidjeli“, kazao je Škrijelj.
On naglašava da je kao član Vojske Crne Gore osjećao dodatnu obavezu i odgovornost da pomogne u situacijama na kakvu je naišao prije tri dana na pomenutoj rijeci.
