Egipat je večeras u Agadiru eliminisao branioca titule, selekciju Obale Slonovače (3:2).
Egipćani su poveli već u četvrtom minutu golom napadača Mančester sitija, Omara Marmuša.
Prednost „faraona“ udvostručio je Rami Ramija nakon kornera Mohameda Salaha u 32. minutu.
Obala Slonovače je prepolovila minus pet minuta prije odlaska na veliki odmor kada je Ahmed Fatuh zatresao sopstvenu mrežu.
Na 3:1 povisio je Salah svojim četvrtim golom na turniru u sedmom minutu nastavka.
Poraz Obale Slonovače ublažio je Guela Due efektnim pogotkom petom poslije velike gužve u 73. minutu.
Egipat će u polufinalu igrati protiv Senegala. U drugom polufinalu sastaju se Maroko i Nigerija.
Komentari