U Sarajevo je doputovala i Bojana Gojković sa namjerom da učestvuje na turniru, koji bi joj bio jedna od poslednjih provjera pred nastup na Svjetskom prvenstvu u Liverpulu početkom septembra, ali nije bilo prijavljenih bokserki u njenoj kategoriji – do 57 kilograma, pa će boravak u glavnom gradu Bosne i Hercegovine iskoristiti za sparing sa jednom Ukrajinkom u kategoriji do 60 kilograma.
Tomislav-Bato Đinović će u četvrtfinalu kategorije do 60 kilograma za rivala imati domaćeg borca, reprezentativca Bosne i Hercegovine Ajnura Kuhinju, dok će se mladi Viktor Dukić u polufinalu kategorije preko 90 kilograma boriti protiv Bugarina Roselina Bačevskog.
Bojana Gojković i Tomislav Đinović su u društvu selektora Nikole Ružića u Sarajevo doputovali iz Sankt Petersburga, gdje su obavili drugu fazu priprema za Svjetsko prvenstvo. Ekipi se u glavnom gradu Bosne i Hercegovine pridružio i Đinovićev trener iz BK „Zlatičanin“ Momo Zlatičanin, kao i Ukrajinac Vladimir Dolgon, koji je u pratnji mladog kik boksera i boksera Viktora Dukića.
