„Čestitam Klužu, zasluženo su pobijedili. Igrali su njihovu igru, a mi smo im to dopustili, primili smo previše poena. Igrali smo bez agresivnosti, bez kontakta ne možete da pobijedite Kluž. Moramo sebe da gledamo, da analiziramo, da budemo spremni da se barem „potučemo“ i majstorici“, rekao je nakon meča Žakelj.
Ističe da ga rival nije ničim iznenadio
„Po izgubljenim loptama nije bilo previše grešaka, ali su bile greške. Gledam više odbranu, nego napad, jer smo dali 90 poena. Napad nismo odigrali kako smo se dogovorili. Što se tiče odbrane, pritisak na loptu nije postojao. Kluž nas nije iznenadio“, istakao je Žakelj.
Istakao je da sada moraju pritisak da okrenu na pozitivnu stvar.
„Pritisak je svaku utakmicu prisutan, to je sastavni dio. Moramo taj pritisak da okrenemo na pozitivnu stranu. Moramo da se spremimo za taj meč“, zaključio je Žakelj.
