„Sparsi“ su na ovaj način vratili na pobjedničke staze, nakon što su prije reprezentativne pauze izgubili od Brajtona iako su vodili 2:0. Totenhem je sada šesti sa 13 bodova.
Sa druge strane, „čekićari“ su doživjeli četvrti poraz na posljednjih sedam utakmica i ostali na osam bodova, te zauzimaju 14. mjesto.
Ništa nije slutilo da će ekipa Đulena Lopetegija pretrpjeti ubjedljiv poraz, kada je Mohamed Kudus doveo goste u vođstvo u 18. minutu.
U 36. minutu Dejan Kuluševski je vratio stvari na početak.
A onda blickrig domaćeg tima. Prvo je Bisuma pogodio za potpuni preokret u 52, a samo tri minuta kasnije nakon udarca Sona, Todibo je nespretno matirao svog golmana.
Tačku na meč stavio je Son iz kontre u 60. minutu.
Nekoliko sekundi kasnije kapiten Totenhema je mogao do drugog gola, ali ispriječila se stativa. I gosti su mogli brzo da smanje rezultat, ali je šut strijelca izjednačujućeg pogotka blokirao jedan igrač na gol-liniji.
U 86. minutu Kudus je sasvim opravdano dobio crveni karton nakon što je udarcio dvojicu protivničkih igrača. Sudija Medli najprije mu je pokazao žuti, ali uslijedio je poziv iz VAR sobe nakon kojeg je preinačio svoju odluku i pokazao Ganjaninu put u svlačionicu.
Totenhem u narednom kolu gostuje Kristal Palasu, prije toga dočekuje AZ Alkmar u Ligi Evrope, a Vest Hem će biti domaćin Mančester junajtedu.
