Drugi grand slem u sezoni, Roland Garos mogao bi ove godine da bude održan u drugom terminu, kazala je za Rojters francuska ministarka sporta Roksana Marasineanu.
Prema prvobitnom planu turnir je na programu od 23. maja do šestog juna, ali bi do promjene moglo doći zbog pandemije koronavirusa.
“U razgovoru smo sa Francuskom teniskom federacijom kako bismo vidjeli da li treba promijeniti datum Rolan Garosa. Iako je vrhunski sport u Francuskoj za sada očuvan, pokušavamo ograničiti rizike od širenja virusa u profesionalnom sportu, a situacija nije dobra”, rekla je Marasineanu.
Prošlogodišnji Roland Garos održan je u oktobru.