Foto: WTA/Twitter
Amerikanka Danijele Kolins nova je šampionka mastersa u Majamiju.
Trenutno 53. teniserka svijeta, od ponedjeljka 22. na WTA listi u finalu je bila bolja od četvrte igračice Jelene Ribakine sa 2:0 – 7:5, 6:3 poslije tačno dva sata igre.
Ribakina je tako drugu zaredom poražena na Floridi u meču za trofej, prošle godine izgubila je od Petre Kvitove.
U prvom setu nije bilo brejkova sve do 12. gema kada je Ribakina servirala za taj-brejk, a Kolins iskoristila treću setu loptu nakon sjajnog pasinga i stigla napravila prvi korak ka tituli.
Amerikanka je u drugom setu povela 2:0, ali Ribakina je ekspresno odgovorila sa dva gema u nizu i izjednačila.
Kolins je u sedmom gemu spasila dvije brejk lopte, a onda u narednom iskoristila drugu brejk loptu i stigla do 5:3. Amerikanka je servirala za pobjedu, a u maratonskom gemu poništila je dvije brejk lopte i iskoristila četvrtu meč loptu za četvrtu titulu u karijeri, prvu iz masters serije, prvu još od 2021.
Nekada sedma teniserka svijeta na putu do pehara izgubila je samo jedan set i to u prvom kolu od Bernarde Pere. Nakon toga je pored Ribakine bila bolja od Anastasije Potapove, Eline Avanesjan, Sorane Kirstee, Karolin Garsije i Ekaterine Aleksandrove.
Kolins ima 30 godina i nakon poraza od Ige Švjontek na Australijan openu ove godine, objelodanila je da će na kraju iste završiti karijeru, a da li će se predomisliti nakon najveće titule u karijeri ostaje da vidimo.
Sjutra od 18 sati i 30 minuta na programu je muško finale u kom se sastaju Janik Siner i Grigor Dimitrov.
