Foto: NBA/Twitter
Sedma utakmica je u polufinalistu Istočne konferencije NBA lige promovisala Klivlend.
Kavalirsi su na svom terenu savladali Orlando 106:94 i za plasman u finale konferencije će igrati protiv Bostona, najbolje ekipe u regularnom dijelu sezone.
Gosti sa Floride su u prvom poluvremenu bili bolji tim, u drugoj četvrtini imali i 18 poena prednosti, ali su se Kavsi na vrijeme probudili.
Presudan je bio treći period u kojem su Donovan Mičel i drugovi slavili 33:15…
Mičel je predvodio Klivlend sa 39 poena i devet skokova, na drugoj strani se istakao Paulo Bankero sa 36 uz 16 uhvaćenih lopti.
Boston ima prednost domaćeg terena u polufinalu, a drugi par na Istoku čine Njujork i Indijana.
CdM
