Bavarci su konačni riješili pitanje glavnog menadžera, nakon što su unazad mjesecima tražili pravo rješenje. Pokušali su da nagovore Tomasa Tuhela da ostane, željeli su da vrate Julijana Nagelsmana, spominjali su se Roberto de Zerbi, Ćabi Alonso, Unai Emeri, Ralf Rangnik, Zinedin Zidan, ali odluka je pala na bivšeg defanzivca Mančester sitija.
Bajern će Brajtonu na ime obeštećenja uplatiti 12 miliona eura, a Kompani će potpisati trogodišnji ugovor.
Kompani je minule dvije sezone sa klupe vodio Barnli. Prvo je uspio da ih uvede u Premijer ligu, ali ove sezone su se ekspresno vratili u Čempionšip.
Prije Barlnija, bio je trener Anderlehta, za koji je nastupao i kao igrač, a pored Sitija, nosio je još dres HSV-a.
Za reprezentaciju Belgije odigrao je 89 mečeva i postigao četiri gola.
