U emisiji “Mirno more” na Radiju Crne Gore Štampić je kazala da je cilj WISTA, inače savjetodavnog tijela IMO, da unaprijedi položaj žena u brojnim pomorskim sektorima.
„Kada pričamo o ženama na moru, zadnje istraživanje koje je baš radila Vista, jer je Vista savjetodavno tijelo AMO-a, pokazalo je da se, recimo, broj žena koje plove globalno povećao, zato što se povećava broj radne snage, ali kad se to gledalo u procentima, on se smanjio. Tako da broj žena je sad malo veći od 1% onih koje plove, a u administraciji oko 19%, bio je 21%“, kazala je Štampić.
Objasnila je da je u pomorskom sektoru, najviše žena u administraciji.
„Recimo, Ministarstvo pomorstva zapošljava, precizan podatak, prošle godine 49% od zaposlenih su bile žene.
Ove godine, u procesu su neke izmjene, broj žena je oko 50% u administraciji“, kazala je Štampić.
Vista Montenegro je nacionalni ogranak, ustvari, najveće svjetske asocijacije žena u pomorstvu i logistici. Ona se zove Vista International, međunarodna asocijacija, ustvari skraćenica od Women’s International Shipping and Trade Association.
Osnovana je u Londonu 1974. godine, a trenutno broji oko 60 zemalja članica širom svijeta, sa preko 6. 000 žena liderki i profesionalki iz raznih sektora pomorstva.
