Iz Kuće maslina su pozvali sve maslinare, proizvođače maslinovih ulja i proizvoda od maslina, kao i građanke i građane da prisustvuju dodjeli nagrada. Osim takmičarskog dijela i degustacije nagrađenih ulja, Kuća maslina je pripremila bogat edukativni, ali i zabavni program. Sve će početi promocijom knjige „Savremeno maslinarstvo“, autora Đorđije Đoka Ivetića o kojoj će govoriti Ilija Moric, Ivan Ilić, i Marija Markoč. Nakon toga, premijerno će biti predstavljen eksperimentalno-umjetnički film etnologa Marka Srzentića, koji je nastao crpeći inspiraciju iz ciklusa umjetničkih slika „Viseći vrtovi Mukovala“, umjetnika Miluna Lutovca, čije slike krase prostor Kuće maslina u Starom Baru od njenog otvaranja.
Prvo nacionalno takmičenje u kvalitetu maslinovog ulja i proizvoda od masline – MNEOOC zakazano je za petak, 11.april u 18 časova u Kući maslina.
