Izabranice selektora Mirka Marića savladale su danas Sjevernu Makedoniju (5:1) u drugom prijateljskom duelu.
Slađana Bulatović i saigračice revanširale su se Makedonkama za poraz od prije tri dana (3:2) i tako prekinule niz od pet poraza u svim takmičenjima.
„Sokolice“ su povele u 41. minut golom Nađe Đurđevac. U petom minutu nastavka prednost je duplirala Armisa Kuč.
U 61. minutu Sjeverna Makedonija je prepolovila zaostatak preko Ulze Maksuti. Tri minuta kasnije Jasna Đoković je povisila na 3:1, da bi ista igračica novim pogotkom u 68. minutu otklonila sve dileme oko pobjednika.
Konačan ishod postavila je Sara Simonović minut prije isteka regularnog toka.
