Domaćin turnira koji se igra od 19. do 25. marta biće Gruzija, a prvi rival mladih „sokola“ je selekcija Slovačke (srijeda, 11h).
Jedan od aduta ove talentovane generacije koju sa klupe odskora predvodi selektor Nenad Vukčević je Andrija Bulatović, koji će na ljeto zadužiti dres franuskog Lansa.
„Očekivanja su najveća kao i uvijek, analizirali smo Slovačku, vijdeli smo njihove mane i prednosti, probaćemo da iskoristimo njihove loše strane kako bi na nabolji mogući način otvorili turnir i ostvarili tri boda. Šest godina smo zajedno, svi se znamo, najveći adut nam je timski duh, dosta igrača igra u inostranstvu, krasi nas individualni kvalitet. Ima pritiska, jer smo generacija o kojoj se priča posljednji nekoliko godina, izaći ćemo i boriti se za nacionalni grb kako to treba i kako znamo. Nadam se da će to biti dovoljno da ostvarimo povoljan rezultat“, kazao je Bulatović na konferenciji uoči sjutrašnje utakmice.
U drugom kolu ,,sokoli” se sastaju sa Poljskom, dok će u posljednjem kolu odmjeriti snage sa domaćinom, selekcijom Gruzije.
Samo pobjednik grupe izboriće plasman na Evropsko prvenstvo, koje će se od 13. do 26. juna održati u Rumuniji.
Grupa 2
19.mart
11:00 – Crna Gora – Slovačka
16:00 – Poljska – Gruzija
22.mart
11:00 – Poljska – Crna Gora
16:00 – Gruzija – Slovačka
25.mart
16:00 – Gruzija – Crna Gora
16:00 – Slovačka – Poljska
