Nije uspio ni iskusni stručnjak na klupi „vučice“, Klaudio Ranijeri, da prekine niz Rome, koja kao gost nije slavila od 2016. godine u okršaju gradskih rivala.
Eksplodirao je „Olimpiko“ u 47. minutu – slobodan udarac iskosa sa lijeve strane izveo je Pelegrini, odlično je loptu pratio Romanjili i glavom je poslao u mrežu za 1:0.
Imali su i jedni i drugi prilike nakon tog gola, a Roma je konačno krenula ofanzivnije i to se isplatilo u 69. minutu – projektil Solea iz prve sa oko 20 metara, lopta se od prečke odbila iza gol linije, a to je i potvrdio sudija Soca koji je dobio signal na satu.
Mogao je Lacio do pobjede u drugom minutu nadoknade kada je sa pet metara, neometan, loše šutirao Dele-Baširu.
Crnogorski reprezentativac Adam Marušić odigrao je cijeli meč u dresu Lacija.
Ovaj remi više odgovara nebesko-plavima koji su ostali na 6. mjestu sa 56 bodova, dok je Roma 7. sa dva boda manje.
